Юрий Альшиц (Германия)
Режиссёр, сәнгать белеме кандидаты, профессор, театр педагогикасы буенча китаплар авторы («45 вопросов к роли», «Тренинг forever!», «Вертикаль роли» һ.б.), бөтен дөньяда меңләгән шәкертләр тәрбияләгән иң танылган заман театр педагогларының берсе.
ГИТИС тәмамлаган (укытучылары - М.Буткевич һәм А.Васильев). СССРның күп кенә театрларында режиссер булып эшләгән. Укытучылык эшчәнлеген 1989 елда «Драма сәнгате» мәктәбендә һәм ГИТИСның режиссура факультетында башлап җибәрә.
1992 елдан Европа, Көньяк һәм Төньяк Америка университетларында, зур театр мәктәпләрендә эшли. 1995 елда Берлинда AKT-ZENT театраль белем үзәге оештыра һәм аның алыштыргысыз җитәкчесенә әйләнә. Дөньядагы беренче театраль тренинглар буенча METODIKA фестивален оештыра һәм җитәкли. 2011 елда Ю.Альшицның «Бөтендөнья лабораториясе/бренинг китапханәсе» (WTTL) проекты ITI конгрессы тарафыннан бүгенге заманның мөһим театраль тикшеренүе дип табыла. Ю.Альшицның AKT-ZENT үзәге рәсми рәвештә ITI/UNESCO Театраль тикшеренүләр үзәге буларак танылган.
Максат:
Онлайн-мәктәп-лаборатория бер-берләреннән меңләгән километр ераклыкта яшәүче, тик бергәләп онлайн режимда яңа иҗади ачышлар ясарга омтылучы Россия театр педагоглары һәм артистлары өчен оештырыла. Әлеге уникаль проект ITI/UNESCO Network for High education and performing art һәм World theatre taining institut AKZENT оештырган онлайн-мәктәп-лабораториянең беренче тәҗрибәсе.
Эш барышы:
Лаборатория Форумның традицион вакыт кысаларыннан чыгачак һәм 2 ай дәвам итәчәк – 2020 елның 8 июненнән 1 августына кадәр. Мәктәп-лаборатория эшчәнлегендә Форум үткәрелгән вакытта гына да катнашырга мөмкин.
Лаборатория берничә этапта үтә:
10 май - 5 июнь: теркәлү һәм катнашучыларны сайлап алу. Теркәлгән вакытта мотивацион эссе җибәрү сорала, шуның нигезендә укытучы лабораториядә катнашучыларны сайлап алачак.
8-14 июнь: лекция һәм практик дәресләр курсы, Форум тәмамланганнан соң да мәктәп-лабораториядә укуларын дәвам итәчәк катнашучыларны сайлап алу.
Алехандро Гонсалес Пуче (Колумбия)
Режиссер, педагог. Дель Валье Театр Сәнгате Университеты профессоры (Кали, Колумбия, 1996–2020). «Laboratorio Escénico Univalle» эксперименталь театр төркеме җитәкчесе.
ГИТИСның режиссерлык факультетын (Б.Г. Голубовский остаханәсе, 1986-1991) һәм Валенсия Университетының магистратурасын, докторантурасын тәмамлый (Испания, 2006-2009).
«Анатолий Васильев җитәкчелегендәге Драма сәнгате мәктәбе» театрында артист булып эшли (1989-1991). Милли драма сәнгате мәктәбен җитәкли (Богота, Колумбия;1994–1996).
Россия, Колумбия, Чили, Кытай театрларында дөнья классикасы һәм заман әдәбияты буенча сәхнәләштергән кайбер спектакльләре: Хуана дель Энсин «Пласидо һәм Виториано», М. Сервантес «Педро де Урдемалас», П. Кальдерон «Тылчымчы» һәм «Тормыш - төш», Платон «Диалоглар», В. Шекспир «Отелло», И.-В. Гете «Фауст», А. Чехов «Чайка» һәм «Ваня абый», Ч. Диккенс «Раштуа вакыйгасы», В. Пиньеда «Иисус», А. Камю «Аңлашылмаучанлык», Г.-Г. Маркес «Беркатлы Эрендира һәм аның кансыз әбисе хакында күңелсез вакыйга», Х. Кортасар «Классика уены», Ф. Достоевский «Чернобыль җүләре» һ.б.
Колумбия, Россия, АКШ, Бразилия, Кипр, Испания, Бангладеш, Мексика, Венесуэла һ.б. илләрнең театр фестивальләре һәм проектларында режиссерлык һәм актерлык сәнгате буенча мастер-класслар үткәрә.
Программа:
Виртуаль театрда спектакль кую тәҗрибәсе: режиссерның идеясен артистның тормышка ашыруы. Онлайн куелыш өчен уникаль нигез буларак эпистоляр жанр.
Максат:
Арада меңләгән чакрымнар ятса да, репетицияләргә килеп, бер-беребез белән кул биреп күрешә алмасак та, иҗаттан һәм һөнәри үсештән баш тартырга ярамый. Киресенчә, без бу хәлне театр сәнгатендә яңа мөмкинлекләр ачучы экспериментлар эшләп карау мөмкинлеге итеп кабул итәргә тиеш.
Театр виртуаль була аламы? Онлайн режимда иҗат итәргә һәм репетицияләр үткәрергә мөмкинме? Премьера онлайн үтә аламы: компьютерда, яки тамашачының телефонында? Мондый спектакльләрне тамашачы ничек кабул итәр, тамашачыны ничек җәлеп итәргә?
Эш барышы:
Төркем режиссерлардан һәм артистлардан торачак. Әгәр сез режиссер икән, программада катнашу өчен булачак онлайн-спектакльнең кыскача (1000 билгедән артмаска тиеш) идеясен язып җибәрергә кирәк.
Театрның яңа мөмкинлекләрен өйрәнү өчен Ф.Достоевскийның «Тугыз хаттан торган роман» («Роман в девяти письмах») әсәренә тукталабыз. Виртуаль театрны өйрәнү тәҗрибәсенә эпистоляр жанр бик туры килә.
Нәрсә ул хат? Ул ара ераклыгына да карамастан, кешегә тәэсир итә алу, бу яңалык, ачыш та, читләшү дә, текстка салынган хис йогынтысы да һәм реаль вакытта адресатның җавабын тоя алмау да… Бүгенге көнгә бу бик тәнгәл килә. Без шушы темалар хакында фикер алышачакбыз.
Ф.Достоевскийның «Тугыз хаттан торган роман» әсәре режиссерлар өчен дә артистлар өчен дә бик кызыклы. Ул театрларда куелмаган, димәк кабатлануларсыз, яңача караш белән дөнья әдәбияты классикасын анализлау мөмкинлеге бар.
Репетицияләр пьеса һәм рольләрне классик метод белән анализлауга нигезләнәчәк.
Эш башланганчы түбәндәге әсәрләр белән танышу сорала:
Ф.М.Достоевский «Тугыз хаттан торган роман» https://ilibrary.ru/text/19/p.1/index.html
М.И. Туманишвили «Режиссурага кереш» http://www.theatre-library.ru/files/t/tumanishvili/tumanishvili_2692.pdf
Нәтиҗә: Онлайн-спектакль реаль вакытта ZOOM платформасында күрсәтеләчәк (спектакльнең язмасын Г.Камал исемендәге ТДАТның Youтube-каналынды карарга мөмкин булачак).
Елена Васина (Бразилия, Россия)
Сан-Паулу Университеты Философия, әдәбият һәм гуманитар фәннәр факультетының көнчыгыш кафедрасы русистика бүлеге профессоры, Филология факультетының Тәрҗемә үзәге директоры (Бразилия).
М.В.Ломоносов исемендәге Мәскәү дәүләт университетын тәмамлый (Мәскәү). 1999 елдан Бразилиядә рус теле һәм әдәбияты укыта (Сан-Паулу Университеты).
«Жабути» (2015) һәм «Аплаузо» (2015) бразилия премияләре финалисткасы. Чагыштырма әдәбият белеме, рус әдәбияты һәм театры тарихы һәм теориясе, тәрҗема теориясе буенча йөздән артык фәнни хезмәтләр авторы.
Автор-төзүче буларак басылган китаплары: «Рус һәм көнбатыш мәдәниятендә символизм типологиясе» (2005), Лев Толстой «Тере мәет» (2007), «Рус театры: әдәбият һәм спектакльләр» (2011), «Станиславский: тормыш, иҗат һәм Система» (2015).
Программа:
Виртуаль театрда спектакль кую тәҗрибәсе: режиссерның идеясен артистның тормышка ашыруы. Онлайн куелыш өчен уникаль нигез буларак эпистоляр жанр.
Максат:
Арада меңләгән чакрымнар ятса да, репетицияләргә килеп, бер-беребез белән кул биреп күрешә алмасак та, иҗаттан һәм һөнәри үсештән баш тартырга ярамый. Киресенчә, без бу хәлне театр сәнгатендә яңа мөмкинлекләр ачучы экспериментлар эшләп карау мөмкинлеге итеп кабул итәргә тиеш.
Театр виртуаль була аламы? Онлайн режимда иҗат итәргә һәм репетицияләр үткәрергә мөмкинме? Премьера онлайн үтә аламы: компьютерда, яки тамашачының телефонында? Мондый спектакльләрне тамашачы ничек кабул итәр, тамашачыны ничек җәлеп итәргә?
Эш барышы:
Төркем режиссерлардан һәм артистлардан торачак. Әгәр сез режиссер икән, программада катнашу өчен булачак онлайн-спектакльнең кыскача (1000 билгедән артмаска тиеш) идеясен язып җибәрергә кирәк.
Театрның яңа мөмкинлекләрен өйрәнү өчен Ф.Достоевскийның «Тугыз хаттан торган роман» («Роман в девяти письмах») әсәренә тукталабыз. Виртуаль театрны өйрәнү тәҗрибәсенә эпистоляр жанр бик туры килә.
Нәрсә ул хат? Ул ара ераклыгына да карамастан, кешегә тәэсир итә алу, бу яңалык, ачыш та, читләшү дә, текстка салынган хис йогынтысы да һәм реаль вакытта адресатның җавабын тоя алмау да… Бүгенге көнгә бу бик тәнгәл килә. Без шушы темалар хакында фикер алышачакбыз.
Ф.Достоевскийның «Тугыз хаттан торган роман» әсәре режиссерлар өчен дә артистлар өчен дә бик кызыклы. Ул театрларда куелмаган, димәк кабатлануларсыз, яңача караш белән дөнья әдәбияты классикасын анализлау мөмкинлеге бар.
Репетицияләр пьеса һәм рольләрне классик метод белән анализлауга нигезләнәчәк.
Эш башланганчы түбәндәге әсәрләр белән танышу сорала:
Ф.М.Достоевский «Тугыз хаттан торган роман» https://ilibrary.ru/text/19/p.1/index.html
М.И. Туманишвили «Режиссурага кереш» http://www.theatre-library.ru/files/t/tumanishvili/tumanishvili_2692.pdf
Нәтиҗә: Онлайн-спектакль реаль вакытта ZOOM платформасында күрсәтеләчәк (спектакльнең язмасын Г.Камал исемендәге ТДАТның Youтube-каналынды карарга мөмкин булачак).
Дмитрий Кошмин (Санкт - Петербург)
Актер, педагог, режиссер, Чечня Республикасының атказанган артисты, РГИСИда сәхнә теле кафедрасы доценты, А.С.Пушкин исемендәге артист-нәфис сүз осталары Бөтенроссия бәйгесе лауреаты.
1997 елда Б.В.Щукин исемендә театр училищесын тәмамлый. 1998 - 2007 елларда Б.В.Щукин исемендәге училищеда, МХАТ Мәктәп-Студиясендә, РАТИ (ГИТИС), ГСИИ, МПГУда укыта.
2007 елдан РГИСИда укыта. 2012-2017 елларда - «Пушкин Мәктәбе» театры укытучысы, 2013 елдан – МДТ – Европа Театры укытучысы, 2019 елдан - «Балтыйк Йорты» Театр-Фестивале педагогы.
Педагог буларак РФ Театр эшлеклеләре берлегенең Чит илләрдә рус театрларын саклау программасында, «Балтыйк Йорты» Театр-Фестиваленең белем бирү программасында катнаша, Н.С. Михалковның кинематография һәм театр сәнгате Академиясе белән хезмәттәшлек итә.
Россия, БДБ һәм Балтия илләре (Үзбәкстан, Украина, Әрмәнстан, Казахстан, Таҗикстан, Литва, Кыргызстан, Белоруссия, Латвия, Эстония, Приднестровье, Молдова) театрларында, шулай ук, ерак чит илләрдә (Испания, Румыния, Көньяк Корея) театрлары һәм театр мәктәпләрендә мастер-класслар үткәрә.
Максат:
Бүгенге көн информацион технологияләрен куллануны күз уңында тотып, «Сәхнә теле» фәненең төп бүленешләрен барлау.
Эш барышы:
Сәхнә теле буенча тренинглар: тавыш белеме, дикция, артикуляция, сулыш, ритм һ.б. Дөнья классикасы әсәрләре буенча иҗади биремнәр. Белемне цифровизацияләү шартларында яңа тенденцияләр, сәхнә теле буенча белем бирү чараларын өйрәнү, алар хакында фикер алышу.
«Зуме», «Скайп» яки мессенджер аша видеодәрес рәвешендә сөйләм теле техникасы буенча дәресләрне ничек үткәрергә? Дикция, сулыш һәм тавыш буенча күнегүләрне үтәгәндә диктофон һәм видеоязмалар ярдәм итәме яки комачаулыймы? Биремнәрне үтәгәндә дөреслек һәм төгәллекне укытучыга ничек контрольдә тотарга, ә укучыларга ничек дөрес аңларга һәм кабатларга? Укытучы (режиссер), студентлар (артистлар) белән төрле аудиториядә була торып та, иҗади эш өчен әсәр сайлый аламы һәм дистанцион рәвештә әлеге әсәр өстендә ничек эшләргә?
Нәтиҗә:
Мөстәкыйль эшләрне онлайн күрсәтү.
Александр Андрияшкин (Мәскәү)
Movement artist, педагог, хореограф, режиссер. Театр һәм биюне берләштерү мәсьәләләре (Jacob's Pillow, АКШ), хореограф һәм композиторларның бер-берсенә йогынтысы (DanceStation, Швеция), тавыш һәм хәрәкәтнең үзара йогынтысы (Siwic, Швейцария), «Белем аккумуляциясе сәхнә жанрында мәгълүмат» программалары (Tanzquartier, Австрия) буенча Халыкара лабораторияләрдә катнаша.
«Цех» заман бию мәктәбендә contemporary dance, МХАТ Мәктәп-студиясендә перформанс укытучысы.
Хореограф буларак «ИюльАнсамбль», «Балет Мәскәү», «Брусникин остаханәсе», В.Маяковский, А.Пушкин исемендәге театрлар «Современник», «Сатирикон», Ермолаев исемендәге «Яңа балет» театры, «Театр.doc», Таганкадагы Театр, Милләтләр Театры, Электротеатр «Станиславский» һәм башка театрлар белән хезмәттәшлек итә.
«The Marusya» спектакле өчен «Алтын битлек» – 2017 Милли театр Премиясенә ия була.
Максат:
Хәрәкәтчән һәм перформатив практикаларның төп концепцияләре, прициплары һәм кораллары белән танышу.
Эш барышы:
Рольләр, сюжет, объектлар барлыкка килгәнче без ниләр белән очрашабыз? Эшкәртелгән рольгә гәүдә, игътибар, анатомия ягыннан без ничек һәм нинди үзгәрешләр кертә алабыз? Гәүдә – яхшы һәм төгәл маркер. Гәүдә буенча яңа белемнәр үзләштереп, без үзебезгә рухи һәм психологик яктан йогынты ясый алабыз.
«Гади» биремнәр һәм күнегүләр белән эшләячәкбез. Шул күнегүләр ярдәмендә матдилек, коммуникация, форма, төркемнәрдә бер-береңә йогынты ясау, психофизика һәм башка төшенчәләргә гәүдәнең мөнәсәбәтен күзәтәчәкбез.
Дәресләрнең күп өлеше практика һәм төгәллеккә багышланачак.
Нәтиҗә:
Гәүдәне тыңларга өйрәнү, аның билгеләрен тою. Хәрәкәтнең сәнгати чынбарлыкны аңлау һәм кабул итүгә китерүен дәлилләү.
Агнешка Любомира Пиотровска (Польша)
Рус әдәбияты тәрҗемәчесе, театраль проектлар кураторы, Польшада Иван Вырыпаев һәм Николай Коляда иҗаты мәнфәгатьләрен яклаучы.
Варшавада «Literaturana Świecie» (Чит ил әдәбияты) журналында славян әдәбияты бүлеге редакторы; Ольштын шәһәрендә «Demo-Ludy» Халыкара Театр Фестиваленең кураторы; Любли шәһәрендә «Konfrontacje» Халыкара театр фестивале кураторы; Варшавада Заман рус театры фестивале («Алтын Битлек» Фестивале белән уртак проект) кураторы була.
Варшавада Адам Мицкевич Институты хезмәткәре, Россиядә поляклар мәдәнияте сезоны театраль программасы кураторы.
Kolyada Plays (Екатеринбург) Халыкара театр Фестивале, TEXTURA (Пермь) Халыкара театр фестивале, НОС әдәби премиясе жюри әгъзасы
Олег Соколов (Мәскәү)
Вс. Мейерхольд исемендәге Үзәктә маркетинг бүлеге җитәкчесе. Иваново дәүләт университетының (ИВДУ) иҗтимагый-психологик факультетын тәмамлый һәм Иваново дәүләт химия-технология университетын (ИДХТУ) тәмамлый.
Максат:
Милли театрларны үстерү үзенчәлекләре, Россиядә милли телләрдә барган спектакльләрне рекламалауда маркетинг нечкәлекләре.
Эш барышы:
Лекция форматында барган дәресләрдә тәкъдим ителгән товарның актуальлегенә, маркетинг буенча дөньяви практикаларга басым ясалачак. Тема төгәл һәм универсаль була алмый, шуңа күрә төрле карашлар, берсенә-капма-каршы фикерләр дә каралачак.
Нәтиҗә:
Театрларның маркетинг программасында алынган белем һәм тәҗрибәләрне куллану.
Эдуард Карякин (Санкт - Петербург)
«Суть медиа» коммуникацияләр оешмасы җитәкчесе, Россия сәхнә сәнгате институтында «Мәдәнияттә иҗтимагый медиа» курсы укытучысы, Шостакович Филармониясе социаль челтәрләренең баш редакторы.
Максат:
Катнашучыга эштә педагогик принцип сайларга ярдәм итү. Әлеге алым ярдәмендә катнашучы үзенә рухи яктан якын кешеләрне җәлеп итәчәк. Мәсәлән, кешеләр театрга вакытлыча ниндидер кызыклы проект яки чара өчен генә түгел, кызыклы, үзенчәлекле, яхшы театр булган өчен киләчәк һәм театрның тугры дустына әвереләчәк.
Эш барышы:
Педагогик коммуникация һәм практикумнарга теоретик кереш.
Берләшмәләр ирекле принцип яки абстракт концепция белән корыла. Мәсәлән, безнең театр – ирек һәм мәхәббәт турында, шуңа күрә, әйдәгез, социаль челтәрләребезнең эчтәлеге шушы темаларга нигезләнсен. Нәтиҗәдә берләшмә кыенлыклар кичерә, чөнки, мондый эчтәлек – әлеге театрның идеясына туры килми.
Бу классик маркетингка охшаган – без ни телибез шуны сөйли алабыз, иң мөһиме, тамашачыны җәлеп итү, билет сату.
Мондый алым филармония, театр, музейлар кебек мәдәният оешмалары эшчәнлегенә туры килми, чөнки аларның төп вазыйфасы билет сату гына түгел, кешене рухи яктан үстерү. Кеше үзе дә аңламастан, мәдәни урыннарга шуны эзләп килә, ул шуның өчен түли. Маркетинг һәм коммуникацияне бутаучы, үзе турында төгәл һәм аңлаешлы мәгълүмат бирә алмаган оешмалардан яки проекттан кеше читләшә.
Нәтиҗә:
Катнашучылар социаль челтәрләрен дөрес төзергә өйрәнәчәк, бу үз чиратында яңа һәм тугры аудитория барлыкка китерәчәк.
Наталья Каленская (Казан)
Экология фәннәре докторы, Казан Федераль Университеты профессоры.
Максат:
Бренд төзелеше тәҗрибәсен анализлау, вербаль һәм вербаль булмаган идентификаторларны исәпкә алып, аны үстерү.
Эш барышы:
Каралачак һәм анализланачак:
- танылган Россия брендлары методикасы;
- брендны төзегәндәге гадәти хаталар;
- брендны кулланучылар нинди кыйммәтләргә өстенлек бирә;
- клиентлар һәм кулланучылар буенча тәҗрибә.
Нәтиҗә:
Клиентлар һәм кулланучылар буенча тәҗрибәгә нигезләнеп, маркалы капиталны аерырга өйрәнү. Брендлар белән заманча идарә итүнең төп максатларына төшенү.
